“Arşın mal alan”, “Alma almaya bənzər”, “Bizim Cəbiş müəllim” kimi filmlərdə rol alan xalq artisti Səfurə İbrahimova illər sonra “10-dan sonra” verilişində qonaq olub.
Axşam.az-ın məlumatına görə, aktrisa sənətdən uzaqlaşmasından danışıb:
“Sənətdən çıxandan sonra aktrisa olduğumu unutdum. Mən aktrisa deyiləm. Özüm üçün dincəlib, yaşayıram. Əvvəl övladım olsun istəyirdim. Amma həkim dedi ki, olmayacaq. Bu mənim taleyimdir, niyə pis olum ki... Bu halımla barışmışam. Dəfələrlə ölüm xəbərim yayılıb. 45 il aktrisalıq etdim. 10 ildir bu sahədə yoxam”.
