Zinəddin Zidanın "Real"ın baş məşqçisi postunda nə qədər məvacib alacağı açıqlanıb.
Milli.Az apasport.az-a istinadən xəbər verir ki, fransalı çalışdırıcı Madrid klubunda ilinə 2,5 milyon avro qazanacaq.
Bu məbləğ "Real"ın əksər futbolçularının maaşından az deməkdi. Belə ki, "kral klubu"nda yalnız Kiko Kasilya, Lukas Vaskes, Naço, Xese Rodriges və Denis Çerışev Zidandan az məvacib alır. Qalan bütün futbolçuların illik maaşı "Zizu"nun məvacibindən yüksəkdi.
Qeyd edək ki, müqaviləyə əsasən, Zidan 2018-ci ilin yayına qədər "Real"ı çalışdıracaq.
Milli.Az
