Bakı, 9 yanvar, Elvin Camalov, AZƏRTAC
Yaponiyanın “Mazda” avtomobil konserni ABŞ bazarında satışa çıxarılan 374 min ədəd avtomobili nasazlıq səbəbindən geri çağıracaq.
AZƏRTAC “reuters.com” saytına istinadla xəbər verir ki, şirkətin avtomobillərində nasazlıq təhlükəsizlik yastığında yaranıb.
Geri çağırılan avtomobillərin əksəriyyəti 2003-2008-ci illərin istehsalı olan “Mazda 6” və 2004-cü il istehsalı olan “RX-8” modellərinə aiddir.
Qeyd edək ki, təhlükəsizlik yastıqları “Takata” şirkəti tərəfindən istehsal olunub.