Mübariz Qasımov Tovuz rayonunda torpağa tapşırılıb.
"Günəşli” yatağındakı 10 saylı dərin dəniz özülündə baş verən qəza nəticəsində itkin düşən və Xəzər dənizinin Türkmənistan sektorunda meyiti tapılan neftçi Qasımov Mübariz Dilqəm oğlu dəfn olunub.
Lent.az “Türkel” TV-yə istinadən xəbər verir ki, Mübariz Qasımovun cənazəsi Tovuz rayonunun Aşağı Mülkülü kənd qəbiristanlığında torpağa tapşırılıb. Dəfn mərasimində SOCAR-ın və Tovuz Rayon İcra Hakimiyyətinin, eləcə də ictimaiyyətin nümayəndələri iştirak ediblər.
