AFFA Almaniyada çıxış edən Ünal Altıntaşı millimizə dəvət edib. Fanat.az xəbər verir ki, bu barədə Türkiyə millisinin üzvü Hakan Çalhanoğlunun atası Hüseyn Çalhanoğlu məlumat verib.
"Kayzerslautern" klubunda forma geyinən 17 yaşlı türk futbolçu AFFA-nın maraq dairəsinə düşüb: "Türkiyə millisinə uzun illər xidmət edəcək stoper qazandırmağa çalışırıq. Ünalı çox kiçik yaşlardan yetişdirməyə başladıq. Meyvələrini də yavaş-yavaş alırıq. İndi Almaniyada özündən söz etdirir. Almaniya komandalarının maraq dairəsinə düşüb. 1-2 ilə bütün futbol camiəsi onu tanıyacaq. Çox böyük istedaddı. Hətta Azərbaycan millisindən də təklif gəlmişdi. Amma qəbul etmədik".
Fanat.az
