Xırdalan, 16 yanvar, AZƏRTAC
Abşeron rayonundakı Heydər Əliyev Mərkəzində ədəbiyyat fənni üzrə məktəblər arasında keçirilən olimpiadaya yekun vurulub. Bilik yarışının finalında rayonun 38 ümumtəhsil məktəbindən 6 komanda iştirak edib.
Heydər Əliyev Mərkəzindən AZƏRTAC–a bildirilib ki, intellektual yarışda ədəbiyyatdan müxtəlif mövzuları əhatə edən 10 sual səsləndirilib. Hər sual isə 4 balla qiymətləndirilib. Maraqlı və gərgin mübaizə şəraitində keçən yarışda Xırdalan 2 saylı məktəbin “Qoşqar” komandası qalib olub.
