Bayram günü Bakının Səbail rayonunda yerləşən mənzildə yanğın baş verib.
ANS PRESS-in Fövqəladə Hallar Nazirliyinə istinadən verdiyi məlumata görə, vətəndaşa məxsus ümumi sahəsi 80 kv.m olan birmərtəbəli 3 otaqlı evin 1 otağının yanar konstruksiyaları 20 kv.m sahədə yanıb.
Yanğın zamanı evdə 1 azyaşlı uşaq yanıq xəsarəti alıb. Evin qalan hissəsi yanğından mühafizə olunub.
Yanğın saat 10:41-də yanğınsöndürənlər tərəfindən söndürülüb.
