Əsl ad və soyadı Stefani Coann Ancelina Cermanotta olan məşhur amerikalı müğənni, dünyanın ən populyar və ekstravaqant sənətçilərindən biri Ledi Qaqanın bu gün 30 yaşı tamam olub.
Milli.Az TMZ-yə istinadən bildirir ki, müğənni ad gününü Los-Ancelesdə qeyd edib.
Ledi Qaqa və onun nişanlısı, 34 yaşlı Teylor Kinni partiyə 27 yaşlı Teylor Svifti, Lana Del Reyi, 36 yaşlı Keyt Hadsonu, 47 yaşlı Kayli Monouqu və başqa ulduzları dəvət etmişdilər.
Hollivuddakı "No Name" restoranında qonaqları qarşılayan Ledi Qaqa ampluasına sadiq idi. "Saint Laurent"in məhsulu olan qısa, qızılı parıltılı don geyinmiş müğənninin belində enli qara kəmər, ayaqlarında isə böyük platformalı ayaqqabılar vardı.
Müğənni Teylor Svift ad gününə həmkarı, 19 yaşlı Lordi ilə qatılıb.
Kayli Minouqu nişanlısı, 28 yaşlı Coşua Sassa müşayiət edirdi.
Qonaqlar arasında Suki Uoterhaus və Nik Conas da vardı.
Milli.Az
