Nərimanov rayonunda yerləşən Pişəvəri adına Humanitar Fənlər Gimnaziyasının ləğv edilməsi xəbəri yayılıb.
Bu barədə valideynlər ANS PRESS-ə bildiriblər. Onlar gimnaziyanın bazasında istedadlar liseyinin yaradılması nəzərdə tutulduğunu deyirlər. Valideynlər etiraz olaraq gimnaziyaya toplaşıblar.
"Bu qərarda valideynlərin mənafeyinə toxunan heç bir qərar. Yoxdur Hal-hazırda təhsil nazirliyinin nümayındələri də Pişəvəri adına Humanitar fənnlər Gimnaziyasındadırlar. Orada müəllimlərə və valideynlərə geniş izahat veriləcək. Valideynlərin əleyhinə ola biləcək heç bir qərar verilməyib".
Bunu ANS PRESS-ə açıqlamasında Təhsil Nazirliyinin QHT və KİV-lərlə iş sektorunun müdiri Cəsarət Valehov bildirib. Onun sözlərinə görə, bu qərar hazırda ibtidai siniflərdə təhsil alan uşaqlara aid deyil. Bu proses tədricən olacaq. Gələn ildən 1-ci sinfə gimnaziyada qəbul olmayacaq. 3 ilə ibtidai siniflər tamamilə yığışdırılacaq.
Mənbə
ANS PRESS