Gəncə, 20 fevral, AzərTAc
Gəncədəki “Gənc dost” İctimai Birliyinin təşkilatçılığı ilə gənc rəssamların əl işlərindən ibarət sərgi nümayiş etdirilib.
AzərTAc xəbər verir ki, Bakıdan və Gəncədən olan 17 gənc rəssamın əsərlərindən ibarət sərginin açılışında çıxış edənlər tədbirin əsas məqsədinin paytaxt ilə regionun gənc rəssamlarını bir araya gətirməkdən və onlar arasında yaradıcılıq əlaqələrini genişləndirməkdən ibarət olduğunu bildiriblər.
Sonra sərgiyə baxış keçirilib. Ən yaxşı əsərlərə görə gənc rəssamlara diplomlar təqdim olunub.