Bakı, 20 fevral, AzərTAc
Fevralın 25-də Azərbaycan Milli Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində Xocalı faciəsinin 23-cü ildönümünə həsr olunmuş “Xocalının dünyaya çatan harayı” mövzusunda elmi-praktiki konfrans keçiriləcək.
Muzeyin mətbuat xidmətindən AzərTAc-a bildiriblər ki, tədbirdə Xocalıda ermənilər tərəfindən törədilən qanlı hadisələrdən, faciənin dəhşətlərindən söz açılacaq, mövzu ilə bağlı məruzələr dinləniləcək.