Aktyor Müşviq Şahverdiyev yeni film çəkir.

Axşam.az-a açıqlama verən aktyor ssenarinin hazır olduğunu deyib:

“İyunda çəkilişlərə başlayacağıq. “Gizlənpaç” adlanır. Bilirəm ki, sözün düzgün forması “gizlənqaç”dı, amma el dili ilə adlandırmaq istədik. Azərbaycanda ilk dəfə romantik komediya çəkəcəyik. Qala gecəsini noyabrın sonlarına planlasdırırıq. Uğurlu olacağına inanıram. “My name is İntiqam” filmində açıq-saçıq sözlər var idi. Gördük ki, bizdə belə ifadələr qəbul olunmur. Ona görə də “Gizlənpaç” fərqli olacaq. Əsl ailə filmidir. Filmdə İlkin Misgərli rol alacaq. Mayda isə kastinqlər keçirib, digər aktyorları seçəcəyik”.

M.Şahverdiyev həmkarlarının toyda aparıcılıq etməsinə irad tutub:

"Serial təklifləri almışam. Amma qane etmədiyi üçün razılaşmamışam. Serial çəkmək istəyirdim, sponsorlar olmadı. Mənim ürəyim filmlə döyünür. Hətta toy dəvətləri alanda getmirəm. Mənim o pula ehtiyacım var. İstəyərəm toy aparım, pul qazanım. Sadəcə, filmlə toy aparıcılığı uyğun gəlmir. Bu gün film çəkir, səviyyəli qala gecə edirik, sabah gedib “bəh-bəh, gəlsin bəylə gəlin” deyirik. Bu, səviyyə deyil. İstəmirəm həmkarlarım da toya getsin. Aktyor toyda aparıcı kimi olmaz. Allah onlara pul yetirsin, ehtiyacları qalmasın”.

Sevgidən danışan aktyor “Mən ancaq filmdə sevirəm. Həyatda hələ bu hissləri yaşamamışam” deyə, bildirib.