"Düzgün olub-olmadığına qarışa bilmərəm"

Milli.Az “Qarabağ” klubunun müdafiəçisi Maksim Medvedevin apasport.az saytına müsahibəsini ixtisarla təqdim edir.
  

- Əlbəttə, çox uğurlu il oldu. İlk dəfə çempionluq sevinci yaşadım. Avrokuboklarda da çıxışımız yadda qalan oldu. Belə ki, Avropa Liqasının qrup mərhələsinə qədər irəlilədik. Karyeramda ən yaddaqalan hadisələr 2014-cü ildə baş verdi. Bu cür nailiyyətlər əldə etdiyimizə görə xoşbəxtəm.
  

- Qrup mərhələsində maraqlı komandalarla qarşılaşdıq. Məncə, özümüzü yaxşı tərəfdən göstərə bildik. Yeni uğurlar qazanmaq üçün əlimizdən gələni edirdik. Bəzilərində istəyimizə çatırdıq, amma istədiyimizi əldə edə bilmədiyimiz məqamlar da oldu. Ümumi götürdükdə, yaxşı demək olar. Yeni ildə bundan daha yaxşısını əldə etməyə çalışacağıq.
  

- Elə oyunlar oldu ki, bəxtimiz gətirdi. Bəzən isə bəxtimiz gətirməyən matçlar da oldu. Əsas yadda qalan qrup mərhələsinin son turunda “İnter”lə keçirdiyimiz oyunda baş verənlər oldu. Biz təmiz qol vurduq, bütün dünyanın gözü qarşısında referi qolumuzu qeydə almadı. Halbuki, düzgün qərar versəydi, bizim üçün böyük iş olacaqdı. Növbəti uğurmuzu reallaşdıracaq, tarix yazacaqdıq. Alınmadı. Amma maraqlı hadisələr oldu. Həmin tur Kiyevdə keçirilən oyunda “Dnepr” ofsayddan qol vurdu, qeydə aldılar, “Sent-Etyen” son saniyələrdə penaltini vura bilmədi. Bu da “Qarabağ” üçün pis nəticə oldu. Çünki oyun heç-heçə bitsəydi, biz mərhələ adlayacaqdıq. Belə məqamlar çox olub. Ona görə də yaddan çıxarmağa çalışırıq. Artıq bildik ki, Avropada hansı hadisələrə rast gələ bilərsən.
 

- Açığı, belə şeylərlə maraqlanmıram. Mənim üçün nə ili olmasının heç bir fərqi yoxdur. Vacib olan uğurlarımızın davamını gətirməkdi.
  

- Artıq gedib-gəlmişəm. Amma hansı ölkəyə getdiyimi deməyəcəm. Yeni ili isə Bakıda qeyd etdim. Yavaş-yavaş təlim-məşq toplanışına hazırlaşırıq. Yaxşı hazırlaşmalıyıq ki, mövsümün qalan hissəsini də zirvədə başa vuraq.

Milli.Az