Bakı. 4 avqust. REPORT.AZ/ Londonun Rassel-skver meydanında bıçaqla silahlanmış naməlum şəxsin insanlara hücum etməsi nəticəsində 1 nəfər ölüb, 5 nəfər yaralanıb.
"Report" BBC-yə istinadən xəbər verir ki, hadisə yerinə polis və "təcili yardım" briqadaları cəlb olunub.
Ərazidə ən azı 6 yaralı aşkar olunub. Bir qadın daha sonra xəstəxanada keçinib.
Hücum edən şəxs saxlanılıb. Onun saxlanılması zamanı polis elektroşokdan istifadə edib. Hadisə yeri dövrəyə alınıb. Polis terror aktı versiyasını istisna etmir.