Astroloq Səbuhi Rəhimli NASA-nın bürclərin 13 olduğunu elan etməsi barədə məlumata münasibət bildirib.
Milli.Az qaynarinfo-ya istinadən xəbər verir ki, S.Rəhimli "Facebook" səhifəsində bununla bağlı status yazıb.
"Görəsən, 2004-cü ildə tamamilə iflasa uğrayan "bürclərin sürüşməsi" mövzusu bu gün nədən yenidən gündəmə gəlib? Oxucuların yaddaşı silinməyib axı - yəni, bütün dünya mediasının gündəmini tutan o xəbəri heç kim xatırlamır? 2000-ci ildə ABA kanalında astrofiziklərimiz bu barədə sual verəndə yetərli cavab da vermişdim. İndi mən deyirəm, Günəş Qız bürcündədir, hansısa astrofizikin hünəri çatırsa, təkzib etsin.
1989-cu ildə ortaya atılan bu primitiv fikir zaman-zaman təkzib olundu, 2004-cü ildə isə alman alimləri nöqtəni qoydular..."
Qaynarinfo.Az-a açıqlamasında isə astroloq bildirib ki, əslində bürclərin sayı 88-dir: "Sadəcə olaraq, Günəş onların 12-sindən keçir".
Milli.Az
