Bakı. 3 oktyabr. REPORT.AZ/ Portuqaliyalı futbolçu Kriştianu Ronaldunun oğlu İspaniyanın dördüncü divizionunda çıxış edən "Posuelo-de-Alarkon" klubunun uşaq komandasının heyətində keçirdiyi ilk oyununda qol vurub.
"Report" xəbər verir ki, bu barədə AS qəzeti yazıb.
Nəşrin məlumatına görə, 6 yaşlı futbolçu oyunun birinci hissəsində fərqlənib və onu atasının üslubunda qeyd edib. Portuqaliyalı özü də oyunu izləyib.
Ronaldu 2010-cu ildə ata olub. Bir fərziyyəyə görə, onun oğlu kiçik Kriştianu surroqat anadan dünyaya gəlib.
