Qaxın Qum kəndində yaşayan Mahmud Hacıyev motosiklet və maşının detallarından istifadə edərək yeni nəqliyyat vasitəsi düzəldib.
Publika.az ARB Şəki-yə istinadən xəbər verir
ki, 8 ildir qaynaqçı işləyən Mahmudun dediyinə görə, bu nəqliyyat
vasitəsini düzəltmək ona 7 aya başa gəlib. Əsasən, jiquli və
motosiklet detallarından ibarət olan bu texnika 1.3 motor gücünə
sahibdir və saatda 120 km sürətlə hərəkət edə bilir.
M.Hacıyevin dediyinə görə, texnikanın vasitəsilə dağ kəndlərində
kənd təsərrüfatı işlərini görmək onun üçün xeyli asanlaşıb.
M.Hacıyev nəqliyyat vasitəsinin adını "YOMO" - yəni yolsuzluq motosikleti qoyub.
Texnikanın ərsəyə gəlməsi üçün o, 1900 manat dəyərində pul xərcləyib. Amma nəqliyyat vasitəsini sənədləşdirmək mümkün olmadığı üçün ondan istifadə etmək də çətinlik yaradır.
Bu, M.Hacıyevin düzəltdiyi üçüncü texnikadır.