Abşeron rayonunda külli miqdarda narkotik maddə satan şəxs saxlanılıb. Lent.az-ın məlumatına görə, Mehdiabad Polis Bölməsinin həyata keçirdiyi əməliyyat-axtarış tədbirləri nəticəsində qəsəbənin mərkəzi küçəsində Gəncə şəhər sakini, 1979-cu il təvəllüdlü Salahov Elvid İman oğlu şübhəli şəxs qismində saxlanılıb. Onun üzərinə baxış zamanı əlindəki qara rəngli çantanın içərisində sellefona bükülmüş 5 kq-dan artıq narkotik vasitə-marixuana aşkar edilərək götürülüb.
Faktla bağlı araşdırma aparılır.
