Hazırda Təhsil Nazirliyinin elektron dərslik platformasında (www.e-derslik.edu.az) 150-dən artıq dərslik yerləşdirilib.
Lent.az-ın məlumatına görə, bu barədə Təhsil Nazirliyinin Təhsilin inkişafı proqramları şöbəsinin müdiri Emin Əmrullayev Təhsil TV-nin "Təməl" verilişində deyib. Onun sözlərinə görə, bu dərsliklərdən istifadə sayı 500000-dən daha artıq olub. Almaniyanın Frankfurt şəhərində təşkil edilən dünyanın ən böyük kitab sərgisində də Azərbaycan Respublikası Təhsil Nazirliyi tərəfindən hazırlanan elektron dərsliklər nümayiş olunur.
