Bakı.2 noyabr. REPORT.AZ/ Bu ilin oktyabr ayı ərzində Azərbaycan Dövlət Neft Şirkəti (SOCAR) tərəfindən (müştərək müəssisələr və əməliyyat şirkətləri istisna olmaqla) 7 074 metr qazma işi həyata keçirilib.
“Report” SOCAR-a istinadən xəbər verir ki, bu sahədə görülmüş işlərin 6 469 metri istismara, 605 metri isə kəşfiyyata aid olub.
Ötən ay Şirkətin həyata keçirdiyi qazma işləri 2015-ci ilin oktyabr ayından 23% az olub.
Ümumiyyətlə, 2016-cı ilin yanvar-oktyabr aylarında SOCAR üzrə 93 657 metr qazma işi görülüb ki, bunun da 90 987 metri istismara, 2 670 metri isə kəşfiyyata aid olub.
Bu ilin 10 ayında qazma işləri ötən ilin müvafiq dövrü ilə müqayisədə 1,4% artıb.
Bundan əlavə, oktyabr ayı ərzində qazmadan alınmış 6, ilin əvvəlindən isə 52 yeni quyu tikinti ilə başa çatdırılaraq mədənçilərə təhvil verilib.
