Noyabrın 15-də Naxçıvan Muxtar Respublikasının (NMR) Şərur şəhərində Azərbaycan Respublikasının dövlət müstəqiliyinin bərpasının 25 illiyinə həsr olunmuş beynəlxalq turnir keçiriləcək.
Publika.az xəbər verir ki, turniri Gənclər və İdman nazirliyi, həmçinin NMR-in Gənclər və idman nazirliyi, Azərbyacan Milli Karate Federasiyası (AMKF) və NMR Karate-do Federasiyası birgə təşkil edir. Şərur Olimpiya İdman Kompleksində yarış 10-17 yaşlı uşaqlar, yeniyetmə və gənclər arasında, kata və kumite üzrə keçiriləcək.
14 noyabrda beynəlxalq turnirin təntənəli açılış mərasimi olacaq.
