UNEC Türkiyə universitetləri ilə təcrübə mübadiləsi aparacaq

UNEC Türkiyə universitetləri ilə təcrübə mübadiləsi aparacaq
12:29 3 Fevral 2017
29 Digər
Ölkə mətbuatı
A- A+

UNEC-in müəllimlərindən ibarət yeni nümayəndə heyəti Türkiyənin nüfuzlu Uludağ, Sakarya və Süleyman Dəmirəl universitetlərinə ezam olunacaqlar.

 

UNEC-in mətbuat xidmətindən Lent.az-a verilən məlumata görə, layihənin əsas məqsədi müəllimlərin elmi potensialının artırılması, xarici universitetlərin təcrübəsinin öyrənilməsidir.

Səfər zamanı həmin universitetlərin ali təhsil sistemi, tədris edilən ixtisas fənləri, sillabuslar, dərslik, imtahan, laboratoriya və kitabxana sistemi ilə tanışlıq nəzərdə tutulub.

 

Bildirək ki, UNEC müəllimlərinin türkiyəli həmkarları ilə qarşılıqlı təcrübə mübadiləsinin aparılması, xüsusən də elmi tədqiqatların həyata keçirilməsi, birgə elmi məqalələrin yazılması, müvafiq dərsliklərin hazırlanması ilə bağlı müzakirələrin aparılması da proqrama daxil edilib.

Nümayəndə heyəti ilə görüşən rektor Ədalət Muradov UNEC-in xarici universitetlərlə əməkdaşlığının daha da genişləndirilməsində belə səfərlərin vacib rol oynadığını vurğulayıb. Ötən tədris ilində universitetin 15 professorunun qonşu ölkənin tanınmış ali məktəblərinə ezam olunduğunu diqqətə çatdıran rektor, gələcəkdə belə səfərlərin dünyanın nüfuzlu universitetlərinə təşkil olunacağını xüsusi qeyd edib.

 

Qeyd edək ki, dekan və kafedra müdirlərinin təmsil olunduğu 18 əməkdaşın Türkiyəyə səfəri fevral ayının 6-dan 10-a kimi nəzərdə tutulub.

 



Xəbərin orijinal ünvanı: http://news.lent.az/news/266712

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR