Yanvarın 29-da Yəməndə "Ərəbistan yarımadasında "Əl-Qaidə" qruplaşmasının iki lideri məhv edilib.
APA-nın RİA Novosti agentliyinə istinadən verdiyi xəbərə görə, bu barədə ABŞ-ın Yaxın Şərq komandanlığından (CENTCOM) bildiriblər.
"Ərəbistan yarımadasında "Əl-Qaidə" qruplaşmasının liderlərindən olan Sultan əl-Dahab və Əbdul əl-Dahab uzun müddət terror əməliyyatlarının planlaşdırılması ilə məşğul olublar", məlumatda deyilir.
Xatırladaq ki, yanvarın 29-da ABŞ hərbçiləri Yəməndə xüsusi əməliyyat keçirib. Nəticədə 14 terrorçu məhv edilib, 1 amerikalı xüsusi təyinatlı ölüb, 3-ü yaralanıb.
Milli.Az