Martın 25-də Azərbaycanın işğal olunmuş Dağlıq Qarabağ
bölgəsinə gələn Ermənistan prezidenti Serj Sarkisyanın səfərində üç
helikopter detalı diqqət çəkib.
Publika.az xəbər verir ki, “Qraparak” qəzeti təhlükəsizlik
mənbələrinə istinadən Sarkisyanın üç helikpterlə Qarabağa gəldiyini
yazır.
“Bu, gözlənilən təhlükəni azdırmaq üçün idi. Heç kim prezidentin
hansı helikopterdə olduğunu bilmirdi”, - deyə mənbə bildirib.
Qeyd edək ki, qondarma “DQR”-in keçmiş “müdafiə naziri”, “ORO”-nun
(keçmiş müdafiə naziri Seyran Ohanyan, “İrs” Partiyasının sədri
Raffi Ovanesyan və keçmiş xarici işlər naziri Vardan Oskanyanın
birgə yaratdığı seçki bloku) üzvü Samvel Babayan Serj Sarkisyana
sui-qəsd hazırlamaq ittihamı ilə həbs olunub. İddialara görə,
Babayan Gürcüstandan qeyri-qanuni yolla “İqla” zenit-raket
kompleksi gətirərək, Serj Sarkisyan və digər yüksək vəzifəli
şəxslərin olduğu helikopteri partlatmaq istəyib. Babayan əvvəlcə bu
iddiaları qəbul etmədi və özünün siyasi fəaliyyəti ilə bağladı.
Əslində Ermənistanda seçkiöncəsi situasiya fonunda baş verənlər
daha çox şouya bənzəyir.
Sarkisyanı öldürmək planı: düşmən ölkədə çaxnaşma – İrəvan Qarabağda müharibəyə hazırlaşır
Ermənistanda parlament seçkiləri öncəsi siyasi şou davam edir.
