Azərbaycanın tanınmış müğənnisi Roza Zərgərli həmkarı Valeh Vəliyevlə birgə ifa etdiyi “Biri sənsən biri mən” adlı mahnıya klip çəkdirib. Lent.az-a açıqlama verən R.Zərgərli bildirib ki, ekran işinin rejissoru özüdür: “Bu günə qədər bir çox kliplərimin rejissorluğunu özüm etmişəm. Çünki əsl peşəm məhz rejissorluqdur. Bu klipi Nardaranda çəkdik. Yay abu-havasında olan ekran işi yaxın günlərdə mediaya təqdim olunacaq. Onu da əlavə edim ki, avqustun 11-də dəniz kənarında konsert vərəcəm, həm də media əhli ilə görüşəcəyəm”.
Qeyd edək ki, “Biri sənsən, biri mən” adlı bəstənin musiqisi Ruslan Səfəroğlunun, sözləri Şirin Məmmədovun, aranjimanı isə Elvin Musayevindir.
