Sevgilisi ilə görüşməsin deyə qardaşları tərəfindən evdə dustaq kimi saxlanılan 16 yaşlı D.Kübra faciəli şəkildə həyatını itirib.
Publika.az xəbər verir ki, hadisə Türkiyənin Bursa şəhərində baş verib.
Valideynlərini itirdikdən sonra qardaşları ilə birlikdə yaşayan Kübra sevgilisi ilə qaçmaq istəyib. Qardaşlarının evdə olmadığından istifadə edən qız yaşadıqları 6 mərtəbəli binanın 3-cü mərtəbəsindən düşmək istəyib. Pərdə ilə yataq örtüyünü bir-birinə düyünləyən qız pəncərədən düşmək istəyərkən müvazinətini itirərək 10 metr yüksəklikdən yerə çırpılıb.
Hadisə yerinə gələn təcili yardım və polis əməkdaşları gənc qızın cansız bədənini tibbi ekspertizaya göndərib. Faktla bağlı araşdırma başladılıb.
Könül Cəfərli