Azərbaycanda film kimi quldurluq

Azərbaycanda film kimi quldurluq
10:52 6 Aprel 2015
62 Digər
Ölkə mətbuatı
A- A+

Şabranda fermaya basqın edən atlılar cəmi iki hinduşka apara biliblər
Şabran rayonunda fermalardan birinə basqın edərək quldurluq edən iki nəfər tutulub.

Şabran Rayon Polis Şöbəsinin əməliyyat üzrə rəis müavini Laçın Hacıyevin anspress-in bölgə müxbirinə verdiyi məlumata görə, hadisə aprelin 4-də gecə saat 23:30-da, rayonun Dəvəçi kəndində qeydə alınıb.

Kəndin kənarında yerləşən, 1942-ci il təvəllüdlü Zülfi Əmrah qızı Harunovaya məxsus fermaya iki nəfər atlı girib. Onlar fermaya girərkən it hürməyə başlayıb. İtin səsinə Zülfi Harunova çölə çıxıb. Atlılardan biri tez fermanın işıqlarını söndürüb. Biri də əlində tutduğu yaba ilə qadının başına və bədəninə bir neçə ağır zərbə vurub. Qadın zərbələrin nəticəsində huşunu itirib.

Səs-küyə qonşuluqdakı fermalardan gələnləri görən atlılar qorxuya düşüblər. Onlar fermadan yalnız 2 hinduşka götürərək qaçıblar.

Qonşular ferma sahibəsini huşsuz vəziyyətdə tapıblar və onu xəstəxanaya aparıblar.

Məlumat daxil olan kimi Şabran Rayon Polis Şöbəsinin əməkdaşları əməliyyat keçiriblər. Əməliyyat zamanı hadisəni həmin kənddən olan, 1982-ci il təvəllüdlü İlham Əzməmməd oğlu Seyidov və 1988-ci il təvəllüdlü Cavad Əli oğlu Əkbərov tərəfindən törədildiyi məlum olub.

“Tərəfimizdən keçirilən əməliyyat nəticəsində İlham Seyidov və Cavad Əkbərov saxlanılıblar. İlkin dindirilmə zamanı saxlanılan şəxslər törətdikləri əməli etiraf ediblər. Onlardan quldurluq edərkən istifadə etdikləri yaba və hadisə yerindən onlara məxsus iri bıçaq götürülüb”, - deyə Laçın Hacıyev bildirib.

Milli.Az


Xəbərin orijinal ünvanı: http://news.milli.az/crime/333019.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR