Bu il fevral ayının 25-də İmişli rayonunun Çahar kəndinin örüş sahəsində oğurluq edən 3 nəfər saxlanılıb. Milli.Az El TV-yə (Region TV) istinadən xəbər verir ki, ötən müddətdə polis tərəfindən aparılan cinayət-axtarış tədbirləri nəticəsində onların əməllərinin üstü açılıb.
Belə ki, oğurluq hadisəsi Çahar kənd sakini, 13 yaşlı Elton Əzizov qoyun otaran zaman baş verib. İmişli rayonunun Buludlu kənd sakinləri Şövqi Qurbanlı, İlqar Hüseynov və Sarxanlı kənd sakini Allahşükür Əzizov Elton Əzizovun əllərini iplə bağlayaraq, sürüdən 5 baş qoyun oğurlayıblar. Onlar Allahşükür Əzizova məxsus “VAZ 2107” markalı avtomobillə apardıqları heyvanları Gəncə şəhərində satıblar. Hadisəni törədən şəxslər əməllərini etiraf edib və bundan peşman olduqlarını bildiriblər.
Faktla bağlı istintaq davam edir.
Milli.Az