Netanyahu: İsrail öz sərhədləri yaxınlığında İranın hərbi mövcudluğuna yol verməyəcək
İsrail öz sərhədləri yaxınlığında, o cümlədən, Suriya ərazisində İranın hərbi mövcudluğuna dözməyəcək. APA-nın “RİA Novosti”yə istinadən verdiyi xəbərə görə, bu barədə İsrailin baş naziri Binyamin Netanyahu bildirib.
“Biz İranın nüvə silahına malik ola bilməsinin yolverilməz olduğunu dəfələrlə bəyan etmişik və sərhədlərimiz yaxınlığında, həmçinin Suriyada, yaxud başqa ərazidə İranın hərbi mövcudluğuna yol verməyəcəyik. Nəsillərimiz zəhməti ilə biz heç nədən hər şey yaratdıq və bu hər şeyi yox etmək mümkün olmayacaq”, - deyə Binyamin Netanyahu ölkənin birinci baş naziri David Ben Qurionun xatirə mərasimində bildirib.
