Türkiyənin Aydın vilayətində 3D formatlı piyada keçidləri çəkilib.
Publika.az Türkiyə mətbuatına istinadən xəbər verir ki, bələdiyyə sədri Özləm Çərçioğlu bunun piyadaların təhlükəsizliyini təmin etmək məqsədilə atılan addım olduğunu deyib.
“Piyadaların təhlükəsizliyi bizim üçün çox önəmlidir. Bir çox sürücü piyada keçidinə yaxınlaşanda sürət həddini azaltmır, bununla piyadaların həyatını təhlükəyə atır. Ancaq bu yenilikdən sonra sürücülər daha diqqətli davranır”.
Bunun hələ ki, pilot layihə olduğunu deyən bələdiyyə sədri tətbiqinə başlanıldıqdan sonra ilk olaraq məktəblərin yaxınlığındakı keçidlərin 3D formatlı rənglənəcəyini deyib:
“Bununla Türkiyənin digər bölgələri üçün örnək olmağa çalışırıq. İnanırıq ki, digər bölgələrdə də piyadaların təhlükəsizliyi üçün belə addımlar atılacaq”-deyə, o əlavə edib.
Gülxar
