2018-ci ildə III Dünya müharibəsi Azərbaycan
torpaqlarından başlana bilər. Bu iddianı amerikalı professor irəli
sürür.
Publika.az xəbər verir ki, müdafiə və təhlükəsizlik üzrə
amerikalı professor Robert Farlin “The National İnterest” nəşrinə
danışıb.
Professor iddia edir ki, 2018-ci ildə III Dünya müharibəsi 5
nöqtədən başlana bilər.
Şimali Koreya
Analitik hesab edir ki, bu böhran ən təhlükəli olanıdır: “Xüsusilə
ballistik raketlərin istehsalı və Tramp Administrasiyasının
diplomatik təcrübəsizliyinə görə Şimali Koreyanın uğur qazanması
təhlükəni genişləndirir. Hər iki ölkədə zərbələrin endirilməsi
haqqında danışılır. ABŞ və Şimali Koreya arasında gərgin vəziyyət
Yaponiya və Çinin də iştirakı ilə böyük müharibəyə gətirib çıxara
bilər”.
Tayvan
Farlin Çinin ABŞ-ı regionda hərbi fəallığını artırdığına görə
ittiham etməsinə diqqət çəkir.
“Birləşmiş Ştatlar da öz növbəsində Pekini Tayvanda hərbiləşməyə
görə ittiham edir. İki ölkə arasında siyasi qeyri-müəyyənlik
regionda münaqişəyə səbəb ola bilər”, - deyə o bildirib.
Ukrayna
Professorun fikrincə, Ukraynada hökumət devrilsə, hakimiyyəti
ekstremistlər tutacaq və bu, Şərqi Ukraynadakı separatçıları
gücləndirəcək: “Başlayacaq münaqişə Avropaya sıçraya və ABŞ-la
Rusiyanın üz-üzə gəlməsi ilə nəticələnə bilər”.
NATO-nun cənub cinahı
Analitikin sözlərinə görə, Türkiyə Rusiya ilə yaxınlaşır, ABŞ
Avropa İttifaqından uzaqlaşır və bu, regionda güc balansının
pozulmasına gətirib çıxara bilər.
“Diplomatik oriyentasiyanın mümkün dəyişikliyi Suriyada, İraqda,
İranda, Balkanlarda və Qafqazda vəziyyəti dəyişdirə bilər. Xüsusilə
Dağlıq Qarabağda müharibə başlaya və genişlənə bilər. Eləcə də
müstəqil dövlət qurmaq istəyən kürdlərlə bağlı böhran da
həssasdır”, - deyə o vurğulayıb.
Fars körfəzi
Farlinin siyahında sonuncu yeri bu region tutur. Onun fikrincə,
Səudiyyə Ərəbistan və İran toqquşa bilər.
Asif
