Bakı. 13 aprel. REPORT.AZ/ Bakıda bir neçə ay əvvəl paytaxt sakini Əlibala Daşdəmirova məxsus "ZAZ 968" markalı 10 EC 113 dövlət qeydiyyat nişanlı avtomobili talama məqsədi ilə qaçıraraq Xəzər rayonu ərazisində yandıran şəxslərə hökm oxunub. "Report"un məlumatına görə Xəzər Rayon Məhkəməsinin qərarı ilə Zeynalzadə Ramin Mobil oğlu və Soltanov Xəyal Zəki oğlu iki il müddətinə azadlıqdan məhrum edilib. Qrupun digər üzvü Qasımov Qalib Vəli oğluna isə iki il müddətinə şərti həbs cəzası verilib.
Qeyd edək ki, araşdırma zamanı dəstə üzvlərinin Bakı şəhəri ərazisində bir neçə avtomobil oğurluqlarında iştirak etdiyi də sübuta yetirilib. R.Zeynalzadə, X.Soltanov və Q.Qasımov paytaxt sakinləri Asif Əliyevə məxsus "Saipa" və Coşqun Məmmədova məxsus "Jeep" markalı avtomobilləri qarət etməkdə də təqsirli bilinirlər.