Bakı. 18 fevral. REPORT.AZ/ ABŞ-ın Yəməndəki səfirliyinin husilər tərəfindən əsir götürülmüş əməkdaşı altı aydan sonra azad edilib.
“Report” RİA "Novosti"yə istinadən xəbər verir ki, bu barədə səfirliyin əməkdaşına yaxın mənbə məlumat yayıb.
Diplomat Üsamə əl-Ansi fevralın 17-də sərbəst buraxılıb. Onun saxlanma səbəbi hələ də açıqlanmayıb.
ABŞ-ın Səna şəhərində yerləşən səfirliyinin 3 əməkdaşı 2017-ci ilin avqust ayında Yəmənin husilərə tabe olan təhlükəsizlik xidməti orqanları tərəfindən heç bir ittiham irəli sürülmədən saxlanılaraq naməlum istiqamətdə aparılıb.