"ARB Ulduz"un "Virtual həyat" verilişinin qonağı olan müğənni Səyyad Əlizadə maraqlı açıqlamalar verib.
Publika.az xəbər verir ki, müğənni bayram
ərəfəsində Dərbənd şəhərində konsert proqramı ilə çıxış edəcəyini
deyib. S.Əlizadə konsert üçün onu Avropaya dəvət edənlərin qoyduğu
şərti də açıqlayıb:
“Neçə illərdir, konsert üçün Dərbənd şəhərinə dəvət edirlər. Bu il
razılıq verdim. Martın 19-u Dərbənddə “Bəyaz gecələr” adlı solo
konsertim var. İki günlük səfər olacaq, sonra isə Azərbaycana geri
dönəcəm. Avropadan da konsertlə bağlı təkliflər gəlir. Fransadan,
Almaniyadan, İsveçdən, Norveçdən təkliflər var. Ancaq qarşıma şərt
qoyurlar ki, tək gəlin. Mən heç vaxt bunu qəbul etməmişəm. Onlara
deyirəm ki, əgər gəlirəmsə ora, mənim ansamblım da gəlməlidir”.
Son olaraq isə Səyyad Əlizadə müğənni Elnur Məmmədovun yeni il
ərəfəsində onun “Bəyaz gecələr” mahnısına müraciət etməsinə
münasibətini bildirdi:
“Elnur istedadlı müğənnidir, üstəlik yaradıcı müğənni olacaq. O, mənə dedi ki, “Bəyaz gecələr” mahnısına müraciət etmək istəyirəm. Dedim ki, oxu. Əgər mahnı sevilirsə, oxunmalıdır. Elnurun ifasına efirdə yox, internetdə baxdım. Normaldır. Yanaşma fərqlidir”.
