Xankəndidəki nitqin PƏRDƏARXASI, torpaqların azad edilməsinin İKİ VARİANTI... – GÜNÜN SİYASİ XÜLASƏSİ

Paylaş

İrəvan meriyasının binasının qarşısında etiraz aksiyası keçirilib. Aksiya iştirakçıları paytaxt meri Taron Markaryanın istefasını tələb ediblər.

Tədbirin təşəbbüskarları əmin ediblər ki, aksiya baş nazir Nikol Paşinyan və onun komandası ilə heç bir əlaqəsi yoxdur.

İranın tabeliyi altından olan qüvvələr Suriya ərazisindən İsrailin Qolan təpələrindəki mövqelərinə raket zərbələri endiriblər. Bunu jurnalistlərə açıqlamasında İsrail Müdafiə Nazirliyinin rəsmi nümayəndəsi Conatan Konrikus deyib. Onun sözlərinə görə, hücumu Qüds briqadası təşkil edib.

O, İsrail ərazisinə 20 raketin buraxıldığını və “Dəmir Gümbəz” hava hücumundan müdafiə sisteminin onların hamısının qarşısını aldığını bildirib.

Qeyd edək ki, Qüds briqadasına məşhur İran generalı Qasım Süleymani rəhbərlik edir.

İsrail Suriyada İranın onlarla hərbi obyektinə cavab zərbəsi endirib. Bu barədə informasiyanı İsrailin Müdafiə Nazirliyi yayıb. Nazirlik aviazərbələrə məruz qalan obyektlərin “Qüds” briqadasına aid İranın Dəməşqin şimalında yerləşən hərbi düşərgəsi, müşahidə məntəqəsi, həmçinin digər mövqeləri olduğunu bildirb. Hücum nəticəsində həmçinin İsrailə hücum üçün istifadə edilən avtomobil də məhv edilib.

Məlumatda vurğulanır ki, Qolan ərazisini “Qrad” və “Fəcr-5” raketləri ilə atəşə tutan maşınlar da məhv edilib.

Rəsmi Təl-Əviv hücumdan öncə Rusiyanı xəbərdar etdiklərini bildirib. Suriya rəsmiləri isə ölkə ərazisinə atılan raketlərin böyük hissəsinin məhv edildiyini açıqlayıblar.

İsrail İranın Suriyadakı bütün infrastrukturunu bombalayıb. Bunu İsrailin müdafiə naziri Aviqdor Liberman bildirib.

“Ümid edirəm ki, bu hissə başa çatıb”, - nazir deyib.

Liberman İranın atdığı heç bir raketin İsrailin nəzarəti altında olan ərazilərə düşmədiyini vurğulayıb.

İsrailin Suriya ərazisinə aviazərbələri Tel-Əvivin özünümüdafiə haqqıdır. Bunu jurnalistlərə açıqlamasında Ağ Evin mətbuat katibi Sara Sanders deyib. Onun sözlərinə görə, Vaşinqton İsrailin öz ərazisinin müdafiəsinə yönələn bütün addımlarını dəstəkləyir:

“Son baş verənlər göstərir ki, İran rejiminə güvənmək olmaz. Prezident Donald Trampın İranla razılaşmadan çıxmaq qərarı doğru idi”.

“Rusiya Suriya münaqişəsinin Üçüncü Dünya müharibəsinə kimi böyüməsinə imkan verməyəcək”. Bunu Suriya prezidenti Bəşər Əsəd deyib.

“Çünki, xoşbəxtlikdən, Rusiyada müdrik rəhbərlik mövcuddur”, - Suriya lideri bildirib.

Dövlət başçısı həmçinin Rusiya və ABŞ-ın münasibətlərini “soyuq müharibə” dövründən daha mürəkkəb adlandırıb.

“Ümid edirəm ki, biz bu super dövlətlər arasında heç bir birbaşa münaqişə görməyəcəyik. Çünki, bu dövlətlər arasında birbaşa münaqişə bütün dünyada vəziyyəti nəzarətdən çıxaracaq”, - Əsəd əlavə edib.

“ABŞ-ın prezidenti Donald Trampla yaxın vaxtlarda görüşümün olacağına şübhə edirəm”. Bu haqda Suriya prezidenti Bəşər Əsəd bildirib.

“İstənilən görüşün nəticəsi olmalıdır, amma məlum deyil ki, belə ardıcıl siyasət aparmayan siyasətçi ilə buna nail olmaq olarmı”, - Suriya lideri deyib.

Onun sözlərinə görə, Dəməşqdə Trampın ABŞ-a nəzarət etdiyinə inanmırlar.

“Hesab edirik ki, real dövlət ABŞ-ın istənilən prezidentinə nəzarət edir. ABŞ-da həmişə belə olub, ən azı son 40 ildə, Ricard Niksonun vaxtından. Ola bilər ki, indi bu proses daha intensivdir”, - Əsəd vurğulayıb.

2013-cü ildən bu yana Suriya kimyəvi silaha malik deyil. Bu sözləri Suriya Prezidenti Bəşər Əsəd deyib.

“Beynəlxalq Kimyəvi Silah Təşkilatı araşdırma apardı və məlum oldu, rəsmi şəkildə elan edildi ki, bizdə belə silahlar yoxdur. Kimyəvi silah tətbiqi ilə bağlı ittihamlar Suriya ordusunun qələbələrindən sonra başlayıb. Bu, Suriya ordusuna hücum etmək üçün primitiv bir oyun idi. Terrorçuların məğlubiyyətindən sonra Suriyadakı sabitliyi pozmaq istəyən ABŞ, Fransa, Böyük Britaniya və müttəfiqləri gördülər ki, onlar açar kartlarını itiriblər. Onlar terrorçuların ruh yüksəkliyini artırmaq və digər rayonların azad edilməsinin qarşısını almaq üçün Suriya ordusuna hücum edirlər”, - Əsəd bildirib.

İŞİD terror qruplaşmasının başçısı Əbubəkr Əl-Bağdadi ehtimal ki, oğlu ilə birlikdə Suriyanın şərqində İraq sərhədinin yaxınlığında gizlənir. Bu haqda İraq kəşfiyyatındakı anonim mənbəyə istinadən “Al Sharq Al Awsat” qəzeti bildirib.

“Əbubəkr Əl-Bağdadi indiyə kimi nəzarətində saxladığı Suriyanın İraqla sərhəd rayonundadır”, - mənbə deyib.

O, həmçinin qeyd edib ki, qruplaşmanın başçısı dörd-beş nəfərlə, o cümlədən oğlu və kürəkəni tərəfindən əhatə olunub.

Amerika kəşfiyyatındakı mənbələrə əsasən, Əl-Bağdadi mobil telefondan istifadə etmir. Onun bir yerdə 72 saatdan çox qalmadığı və cəmi iki mühafizəçinin müşayiəti ilə gözəçarpmayan avtomobillərdə hərəkət etdiyi bildirilir.

ABŞ İŞİD liderinin tutulması və ya məhvinə kömək edəcək informasiya üçün 25 milyon dollar mükafat vəd edib.

Avropa artıq müdafiə məsələlərində ABŞ-a güvənə bilməz. Bunu jurnalistlərə açıqlamasında Almaniya kansleri Angela Merkel deyib. Onun sözlərinə görə, Avropa dövlətlərinin özləri talelərinə nəzarəti əllərinə almalıdırlar:

“ABŞ-ın bizi qoruduğu zaman geridə qalıb. Avropa öz taleyini öz əlinə almalıdır. Bizim gələcəklə bağlı hədəfimiz budur”.

“Bu gün işğal edilmiş Krımın Ukraynanın tərkibinə qayıdışının iki münasib variantı var”. Bunu Krım tatarlarının işləri üzrə Ukrayna prezidentinin xüsusi nümayəndəsi, Ukraynanın Ali Radasının üzvü Mustafa Cəmilov “Apostrof” nəşrinə müsahibəsində bildirib.

Rusiyanın dağılması və Putinin... - Torpaqların azad edilməsinin İKİ VARİANTI

Ali Radaya Rusiya şirkətləri və bankların Ukraynadakı əmlakının milliləşdirilməsi haqqında qanun layihəsi daxil olub. Layihənin müəllifi “Pyotr Poroşenkonun Bloku” fraksiyasının üzvü Roman Zvarıçdır.

Qanun layihəsinin izahedici qeydində bildirilir ki, qanunverici səviyyədə belə addım “təcavüzkar dövlət”lə təsərrüfat fəaliyyətini həyata keçirən hüquqi şəxslərə qarşı sektor sanksiyalarının tətbiq etmə imkanı verəcək.

Ömər Dağlı