İstanbul Kağıthanedə Nevin T. adlı qadın həyat yoldaşı Mehmet T.-dən boşanmaq qərarı alıb.
Metbuat.az-ın Türkiyə mediasına istinadən verdiyi məlumata görə, cütlüyün İstanbul Ədalət Sarayında məhkəmələri baş tutub. Məhkəmədən sonra Mehmet T. izlədiyi Nevin T.-yi küçənin ortasında döyməyə başlayıb.
Yerə yıxılan qadın qışqıraraq kömək istəyib. Bu zaman bir vətəndaş qaçaraq hadisə yerinə gəlib. Vətəndaş qadına şiddət göstərən adamı yerə yıxaraq döyməyə başlayıb. Daha sonra ətrafdakılar da Mehmet T.-yə hücum çəkib. Polisə təslim edilən adam hadisənin təhlükəsizlik kamerasında görünməsinə baxmayaraq “Nevin özünü vururdu” deyib. Prokuror adamı sərbəst buraxıb.
