Vyana, 23 aprel, AZƏRTAC
Avstriya parlamentində təmsil olunan altı siyasi partiyanın “erməni soyqırımı” ilə əlaqədar aprelin 22-də verdiyi birgə bəyanata etiraz olaraq Türkiyə hökuməti Avstriyadakı səfiri Mehmet Hasan Göğüşü məsləhətləşmələr üçün geri çağırıb.
Türkiyə Xarici İşlər Nazirliyinin yaydığı açıqlamada bildirilir ki, Avstriya parlamentində imzalanan bu bəyanat Türkiyə-Avstriya dostluğuna mənfi təsir göstərəcək. Həmçinin vurğulanır ki, I Dünya müharibəsində yaşananların birtərəfli qaydada dəyərləndirilməsi və “soyqırımı” olaraq qiymətləndirilməsi hüquqa ziddir və Türkiyə tərəfindən qəti şəkildə rədd edilir.
Elgün Niftəliyev
AZƏRTAC-ın xüsusi müxbiri
Vyana