Play Store

Narışkin: Rusiya-Türkiyə münasibətləri digər ölkələr üçün örnəkdir

Narışkin: Rusiya-Türkiyə münasibətləri  digər ölkələr üçün örnəkdir
23:14 23 Aprel 2015
479 Dünya
Ölkə mətbuatı
A- A+

Rusiya və Türkiyə arasında hazırkı münasibətlər  digər ölkələr üçün layiqli örnəkdir. APA-nın “RİA Novosti”yə istinadən verdiyi xəbərə görə, bu barədə Rusiya Dövlət Dumasının sədri Sergey Narışkin “Birinci Dünya Müharibəsi 100 il sonra” akademik konfransında çıxış edərkən bildirib. 

 

“Yüz il əvvəl Birinci Dünya Müharibəsinin cəbhələrində qarşı-qarşıya duran Rusiya və Türkiyənin  hazırkı münasibətləri digər ölkələr üçün yaxşı örnəkdir”, deyə Narışkin qeyd edib.   

 

Sergey Narışkin çıxışında bu il  Rusiya və Türkiyə arasında diplomatik əlaqələrin qurulmasının yubileyini xatırladıb: “95 il əvvəl, yunun  3-də  Rusiya və Türkiyə rəhbərləri hər iki dövlət üçün dönüş dövründə bir-birinə yardım əlini uzadaraq diplomatik əlaqələrin qurulmasına qərar veriblər”.  

 

Onun sözlərinə görə, iki ölkə arasında o zaman əsası qoyulan dostluq və əməkdaşlıq ənənələri bu gün də yaşamaqdadır: “Bizim ölkələr bir çox qlobal və regional problemlərə dair oxşar mövqedən çıxış edirlər. Elm, mədəniyyət, incəsənət və turizm sahəsində əməkdaşlıq genişlənməkdədir”.  

 

O qeyd edib ki, Türkiyə Rusiyanın əsas iqtisadi tərəfdaşlarından biridir: “Energetika sahəsində iki ölkə arasında əməkdaşlıq strateji səviyyəyə çatıb”.   

 

Spiker bu məsələdə  “Türkiyə axını” layihəsini nəzərdə tutduğunu bildirərək, qeyd olunan layihənin nəinki Türkiyənin, həm də Bütün Avropanın enerji təhlükəsizliyini on illiklər boyu təmin edəcəyini qeyd edib.  


Xəbərin orijinal ünvanı: http://news.lent.az/news/200372

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR