“Türkiye Petrolleri Anonim Ortaklığı” (TPAO) şirkəti ABŞ-ın “Rowan Companies PLC” şirkəti ilə Aralıq dənizində iki kəşfiyyat quyusunun qazılması üçün platformaların təmin edilməsi üzrə razılığa gəlib.
Metbuat.az “Rowan”a istinadla xəbər verir ki, tərəflər Aralıq dənizində quyuların qazılması üçün platformaların təminatına dair müqavilə imzalayıb. Bu ilin sonunda qüvvəyə minəcək müqavilə üzrə “Rowan Norway” adlanan 2 platforma Aralıq dənizində 100-140 gün müddətində fəaliyyət göstərəcək.