Malaziyada yaşayan hisdistanlı Coanna Cozeff adlı qız çox çətin uşaqlıq dövrü keçirib.
Metbuat.az Türkiyə mediasına istinadla bildirir ki, Coanna 12-16 yaşlarında olarkən oxuduğu məktəbdə müəllimləri və sinif yoldaşları tərəfindən kobud rəftara məruz qalırdı. Artıq çəkiləri üzündən sinif yoldaşları onu “çirkin ördək balası” ləqəbi ilə çağırırdılar. Hətta ailə üzvləri belə onu sevmirdi.
Coanna 16 yaşında olarkən 120 kiloqram çəkiyə çatıb. O, arıqlamağa qərar verərək qeyri-sağlam qidaları həyatından çıxarıb və idmanla məşğul olmağa başlayıb.
Zamanla dəyişməyə başlayan Coanna model olmağa qərar verib. O, iki il əvvəl təşkil olunan “Miss Selangor” dünya gözəllik yarışmasında birinci, bu il təşkil olunan Hindistan gözəli yarışmasında ikinci olub.
