Meksikanın paytaxtı Mexikoda son Ceyms Bond filmi Spectrenin açılış səhnəsindən ilham alan “Ölülər günü” festivalı qeyd olunacaq.
Metbuat.az Türkiyə mediasına istinadla bildirir ki, bu il ərzində üçüncü dəfə qeyd olunan festival üçün Mexiko küçələrində hazırlıqlar davam edir.
Hər il oktyabr ayının son həftəsi qeyd olunan bu festivalda bu il təxminən 200 min nəfərin iştirak etməsi gözlənilir.
Rəngli anlara səhnə olan festivalı Meksika şəhər bələdiyyəsi təşkil edir.
"Ölülər günü" Hallovendən fərqli olaraq qorxutmaq məqsədi ilə qeyd olunmur.
İnanclara görə həqiqi ölüm unudulduqda olur. Festivalın məqsədi isə ölənlərin unudulmamasını təmin etməkdir.
Bu məqsədlə festivalda ölmüş insanları təmsil edən kəllə sümüyünə bənzəyən bəzək əşyaları, ölənlərin sevdiyi qoxular təqdim olunur.
