Sofi Mişel adlı 21 yaşlı ingilis yutuber çəkdiyi videoları reklamlar edərək aya 15 min manat gəlir əldə edir.
Metbuat.az Türkiyə mediasına istinadla bildirir ki, Sofi 1 il əvvəl videolar çəkib, “Youtube”a yükləyərək həyatını dəyişdirib. Dünyanın ən böyük video platforması “Youtube” sayəsində yeni bir iş və yüksək qazanc əldə etməyə başlayıb. O, bunu bir çox insanı “narahat” edən səsi sayəsində bacarıb. Sofi ASMR adlanan xəstəlikdən əziyyət çəkən bacısını sevindirmək məqsədilə bu tipli videolar çəkməyə başlayıb. ASMR problemindən əziyyət çəkən insanlar fısıltı, kağız səsi, yaxud şüşə səsi kimi narahat edici səslərdən zövq alır.
Bu da gənc qızın “sosial medianın ən nifrət edilən istifadəçisi” ləqəbini qazanmasına səbəb olub.
Hər videoda yeni geyimlər geyən Sofinin hazırda yüz minlərlə abunəçisi var.
