Adı "Yuventus" və "Barselona" ilə hallanan "Mançester Yunayted"in yarımmüdafiəçisi Pol Poqba ilə bağlı yeni iddia ortaya atılıb.
Metbuat.az-ın "Tuttosport"a istinadən yaydığı xəbərə görə, fransalı futbolçunun indi də "İnter"ə keçəcəyi bildirilir. Milan təmsilçisinin qış fasiləsində bir neçə səs-küylü transfer edəcəyi gözlənilir ki, siyahının ilk sırasında məhz Poqbanın adı yer alır.
25 yaşlı futbolçunun alınmasını rəhbərliyə yanvardan etibarən klubda idman direktoru vəzifəsində işə başlayacaq Beppe Marotta tövsiyə edib. "İnter"in bu keçid üçün ingilislərə pulla yanaşı, müdafiəçi Milan Şkrinyar və ya yarımmüdafiəçi İvan Perişiçi verəcəyi gözlənilir.
Qeyd edək ki, "İnter" Poqbanı transfer edə bilməyəcəyi təqdirdə, "Latsio"dan Sergey Milinkoviç-Saviç, yaxud da "Real"dan Luka Modriçi almağa çalışacaq.
