Bakı. Trend:
ABŞ prezidenti Donald Tramp vı Koreya Xalq Demokratik Respublikasının (KXDR) lideri Kim Çen In arasında növbəti görüş fevral ayının sonlarında baş tutacaq.
Trend-in məlumatına görə, bu barədə ABŞ prezidentinin KXDR-nın Əmək partiyasının vahid cəbhə şöbəsinin müdiri Kim Yon Çxolla görüşünün yekunları üzrə Ağ Evin mətbuat katibi Sara Sanders bildirib.
S.Sanders deyib: "Donald Trampın və Kim Yon Çxolun görüşü 1 saat 30 dəqiqə davam etdi. Onlar denuklearizasiya və fevralın ayının sonlarına yaxın baş tutacaq ikinci sammiti müzakirə etdilər. Prezident [KXDR] lideri Kim Çen Inla görüşü səbirsizliklə gözləyir. Görüş yeri daha sonra elan ediləcək".
Trend-in ən mühüm və maraqlı xəbərlərini "Telegram"da izləyin
