Bakı. 21 yanvar. REPORT.AZ/ "İqtisadiyyat Nazirliyi yanında Sahibkarlığın İnkişafı Fondunun fəaliyyəti dövründə qadın sahibkarların investisiya layihələrinin maliyyələşdirilməsi ilə bağlı dövlət tərəfindən 103,8 mln. manat güzəştli krediti verilib".
"Report" xəbər verir ki, bunu iqtisadiyyat nazirinin müavini Sahib Məmmədov jurnalistlərə açıqlamasında deyib.
Nazir müavini bildirib ki, bu güzəştli kreditlər hesabına 8 500 iş yerinin yaradılması təmin edilib.
S.Məmmədov qeyd edib ki, hazırda ölkədə 4 200 qadın sahibkarlıq fəaliyyəti ilə məşğul olur.