"Report" "İnterfaks"a istinadən xəbər verir ki, bu barədə Rusiya xarici işlər nazirinin müavini Qriqori Karasin Yerevanda jurnalistlərə açıqlamasında bildirib.
"Amerikalılarla üçlük (ATƏT-in Minsk qrupu - red.) çərçivəsində birgə işləyirik. Hələlik mövcud strukturlar çərçivəsində amerikalılarla və fransızlarla olduqca yaxşı əməkdaşlıq edirik", - Q.Karasin deyib.
Azərbaycan və Ermənistan icmalarının dinc şəkildə birgə yaşamaq səyləri barədə danışan rusiyalı diplomat qarşılıqlı etimadın və çətin problemlərin sülh yolu ilə həllinə səy göstərilməsinin vacibliyini qeyd edib.
