Anoreksiya xəstəliyindən əziyyət çəkən 21 yaşlı Annie Vindley 28 kiloqrama düşərək ölümlə qarşı-qarşıya qalıb.
Metbuat.az xarici mediaya istinadla bildirir ki, 15 yaşında olarkən bu xəstəliyə yaxalanan Vindley xəstəlik günlərindən “Yemək gördükdə özümü çox pis hiss edirdim. Anam qarşıma yemək qoyduqda titrəməyə başlayırdım” sözləri ilə bəhs edib.
28 kiloqrama çatdıqda ölümlə üz-üzə qalan Vindley xəstəliyi ilə mübarizə aparmağa başlayıb.
Hər şey gənc qadının 2017-ci ildə şokolad istəməsi ilə başlayıb və bundan sonra o, yavaş-yavaş yemək yeyib.
Sağalma prosesini öz “İnstagram” hesabında izləyiciləri ilə bölüşən gənc qadın bir çox dəstək mesajı alıb.
Hər gün çəkisi daha da artan Annie Vindley ən sonda 45 kiloqrama çatıb və insanlara ilham olmaq üçün bu müddəti sosial media hesabında paylaşmağa davam edir.
