"İnstagram"da fenomen olan ana hesablarından “Modernmumma” ötən gün paylaşdığı foto ilə izləyicilərini şok edib.
Metbuat.az xarici mediaya istinadla bildirir ki, Cessi adlı qadın qızının saçlarını ketçupla yuyub və bu anı izləyiciləri ilə bölüşüb. İzləyiciləri isə onun bu hərəkətinə məna verə bilməyib.
Bir çox insanın təəccüblənərək tənqid etdiyi bu görüntüyə qadın açıqlama verərək “hovuzdakı xlor səbəbi ilə qızımın saçı yaşıl rəngə boyanır. Çıxış yolunu saçlarını ketçupla yumaqda gördüm. Pomidor souzunu 30 dəqiqə saçda gözlətmək , daha sonra şampun və saç kremi ilə durulamaq lazımdır. Bu təbii müalicə mütləq işə yarayır. Çünki pomidor yaşıla dönən saçlardakı sulfatla mübarizə aparır”deyib.
Qadının paylaşımını bəyənən izləyicilərindən çox sayda şərhlər gəlib və bunun çox yaxşı fikir olduğunu bildiriblər.
