“TC Candler” hər il minlərlə insan arasından dünyanın ən gözəl və ən yaraşıqlı üzə sahib olan insanlarını seçir.
Metbuat.az Türkiyə mediasına istinadla bildirir ki, siyahının builki gözəli ilk seçildikdə 4 yaşında olan fransız model Thylane Blondeau olub.
Mavi gözlü gözəl fransız modelin atası məşhur fransız futbolçu Patrik Blondeaudur. Anası isə moda dizayneri Veronika Loubrydir. Thylane Blondeau ilk dəfə 4 yaşında ikən podiyuma çıxıb. 6 yaşında isə bir jurnalda fotosu çıxıb. Tam 11 il əvvəl jurnalın uşaq sayında bu foto ilə “dünyanın ən gözəl qızı” olaraq tanıdılıb.
16 yaşında isə çox məşhur bir kosmetika firmasının təmsilçisi olub. Hazırda 17 yaşında olan Thylane Blondeau dünyaca tanınan bir modeldir. Kiçik yaşda olmasına baxmayaraq öz markasını yaradıb. Sosial mediada isə milyonlarla izləyicisi var.
