Belçikada təşkil olunan hərracda 1 milyon 252 min avroya dünyanın ən bahalı göyərçini satılıb.
Metbuat.az xarici mediaya istinadla bildirir ki, uzun məsafə yarışmalarında çempion olan 5 yaşlı poçt göyərçini bir çinli tərəfindən alınıb. İnternetdən aparılan hərracda satılan Armado adlı erkək göyərçinin yeni sahibi onu yarışdırmayacağını, damızlıq olaraq istifadə edəcəyini bildirib.
Belçikada 2017-ci ildə keçirilən hərracda bir poçt göyərçini 400 min avroya satılmışdı.
